Heska & Ryno Prins, Mooi Nooi
June 26, 2017

Henrike en Zarike Fourie, Welkom

My man het vir Rudine Ferreira, ons naaste BabaGim Instrukteur, inderhaas en moedeloos gebel om te smeek vir hulp, beide ma en sussie was goed in trane.  Ons het ons eerste konsultasie bespreek en gebid dat dit die regte ding sal wees. Min het ons geweet dat hierdie besluit juis ons en ons pragtige dogtertjie se lewe sou verander.

Met ons eerste besoek het Rudine soveel insig gegee oor wat ons verwagtinge moet wees en hoe mens jou lewe beter kan beplan. Ons het geleer hoe haar brein werk en ook dat mens talle dinge kan doen om haar leerproses te verryk.  Ek het geleer om Zarike te masseer en so tussen al die huil en baklei deur, het ons stadig op die regte paadjie gekom. Tydens ons eerste besoek kon ons dogtertjie nog nie op haar eie regop-sit nie. Met ons aankoms tuis het ek dit wat Rudine vir my geleer het herhaal en binne sekondes was daar ‘n groot verskil, my kind was ‘n engel! Sy het daardie selfde dag 2 ure in die middag geslaap, sonder ‘n geluidjie- en slaap was van daar af ook nie meer ‘n probleem nie.

Ons is 2 weke later terug vir nog ‘n klas en toe kon sussie reeds self regop-sit. Binne ‘n maand het my kind geleer om te sit, self van lê af regop te sit en ook te begin kruip. Ons kon ook meer oomblikke van rus en stilte beleef, omdat sy meer tevrede en gelukkig was. Zarike kruip nou voluit, en trek haarself teen absoluut alles op.

Te danke aan Rudine en die BabaGim klasse, kan ek vandag met ‘n geruste hart sê dat ek die kind het waarvan ek nog altyd gedroom het, selfs nog voor sy daar was. Ek loop elke dag en vertel hoe BabaGim, en ons ontmoeting met Rudine, ons lewens en veral Zarike se lewe, verander het. Met baie dankbaarheid in my hart, weet ek ook nou ek is ‘n goeie mamma.